Останато | Златан Ибрахимовиќ сугерира дека е отворен за идеата да ја заврши кариерата во дресот на Селтик, напаѓачот е привлечен од атмосферата на Селтик Парк...
Неодамна се појавија стории кои велеа дека Златан Ибрахимовиќ разговарал со својот сонародник Хенрик Ларсон за Селтик, па медиумите го поврзаа напаѓачот со преселба во шампионот на Шкотска.
Во разговор за Scottish Sun, репрезентативецот на Шведска признава дека е привлечен од атмосферата на Селтик Парк и сугерира дека би можел да го облече дресот на Селтик пред крајот на кариерата.
„Селтик е клуб со голема традиција и место каде што секој топ фудбалер би сакал да ја заврши кариерата” – рече Ибра.
„Како би можел да кажам дека не сакам да играм за овие фанови секоја недела?”
„Хенрик беше доволно добар да игра за било кој тим во Европа”.
„Но откако играв на Селтик Парк, лесно можев да разберам зошто тој одбра да остане таму толку долго”.
„Ниту еден фудбалер нема да посака да замине од стадион со такви фанови”.
„Сум играл на најголемите натпревари во светот на фудбалот. Но никогаш не сум искусил атмосфера како онаа на Селтик Парк”.
Зборувајќи на оваа тема, менаџерот на Селтик, Нил Ленон рече: „Тој ќе мора да игра добро за да обезбеди место во нашиот тим”.
„Коментарите на Ибра се убав комплимент за клубот, покажуваат каква репутација имаме изградено”.
„Но ова е една од оние шпекулации, не знам колку вистина има во неа, но ќе биде прекрасно доколку можеме да ангажираме таков тип на фудбалер”.
„Сепак, мислам дека сме далеку од нешто конкретно”.
Извор: 24FUDBAL.com.mk
