Англија | Капитенот на ’Топџиите’, Томас Вермален одбива да го коментира сториите кои влат дека ќе замине од Емирати Стадионот...


Често кружат гласини низ медиумите за иднината на репрезентативецот на Белгија, кој го загуби првотимскиот статус во Арсенал.
 
Во последно време се говори дека Наполи прави обиди да го ангажира Томас Вермален во зимскиот преоден рок.
 
Крилото на ’Наполитанците’, Дрис Мертенс призна дека добил наредба да го убеди својот сонародник да му се придружи на Сан Паоло.
 
Во разговор со ТВ станицата Sporting Telenet, дефанзивецот одбива да ги коментира ваквите стории и вели дека е фокусиран само на Арсенал.
 
„Не сакам да зборувам за мојата ситуација” – рече Вермален. „Во моментов сум фудбалер на Арсенал и ќе го дадам максимумот за мојот клуб”.
 
„Ќе видиме што ќе се случи. Нема потреба да шпекулирам за мојата иднина”.
 
Зборувајќи за досегашниот дел од сезоната, тој рече: „Среќни сме со нашата позиција на табелата. Потребно е да бележите добри резултати во континуитет, доколку сакате да се борите за титулата ”.
 
„Во Премиер лигата, се е можно”.

Извор: 24FUDBAL.com.mk