МЕНИ

Германија | Дефанзивецот на Баерн Минхен, Јан Кирхов следните 18 месеци ќе ги помине на позајмица во Шалке...

23 годишниот централен дефанзивец пред почетокот на сезоната пристигна на Алианц Арена како слободен агент.

Јан Кирхов не успеа да се наметне кај Пеп Гвардиола и имаше ограничена минутажа, па затоа ’Баварците’ решија да го пратат фудбалерот на позајмица во Шалке.

„Баерн Минхен и Шалке постигнаа договор за едно ипол годишна позајмица на Јан Кирхов, кој ќе го носи дресот на клубот од Гелзенкирхен до 30. јуни 2015” – гласеше соопштението на шампионот на Германија.

„Баерн има опција да го врати играчот по крајот на позајмицата”.

Генералниот извршен директор на ’Баварците’, Карл Хајнц Румениге рече: „Мислам дека ова е добра зделка за сите три страни”.

„Јан сигурно во Шалке ќе ја добие потребната минутажа, нешто што Баерн не можеше да му го овозможи до овој момент”.

„Му посакуваме се најдобро, и се надеваме дека ќе продолжи да бележи добар прогрес со Шалке”.

Генералниот директор на Шалке, Хорст Хелдт рече: „Задоволен сум што успеавме да постигнеме договор, убеден сум дека Јан ќе ни помогне”.

„Може да игра во централниот дел од одбраната или како дефанзивец во средниот ред, солиден е во скок играта и знае да дели прецизни додавања”.