Италија | Езекиел Лавеци признава дека сака одново да настапува во Серија А, каде Интер пројавува сериозен интерес за неговите услуги...
Аргентинецот го загуби првотимскиот статус во ПСЖ, оваа сезона се мачи со формата па се говори дека би можел да замине од Париз веќе во јануари.
Медиумите подолго време шпекулираат дека Интер се обидува да го ангажира Езекиел Лавеци, репрезентативецот на ’Гаучосите’ е желбата на тренерот Валтер Мацари за засилување на офанзивниот ред на ’Нероаѕурите’.
Во интервју за Canal Football Club, напаѓачот вели дека сака да се врати во Серија А, и признава дека е заинтересиран за преселба на Џузепе Меаца.
„Еден од моите приоритети е да се вратам во Италија” – рече Лавеци.
„Интер? Се работи за голем клуб. Убаво е да се знае дека топ клубови се интересираат за вас дури и кога не сте во најдобра форма”.
Извор: 24FUDBAL.com.mk
