Англија | Фудбалерот на Арсенал, Џек Вилшер вели дека навивачите на Манчестер Сити се потсмевале со неговите деца, па затоа тој им покажал среден прст...
21 годишниот репрезентативец на Англија доби суспензија од два натпревари откако камерите го уловија како покажува среден прест кон фановите на средбата помеѓу ’Граѓаните’ и ’Топџиите’ пред десетина дена.
Преку својот Твитер, Џек Вилшер открива дека ваквиот негов потег следел откако навивачите на Манчестер Сити се потсмевале со неговите деца.
Фудбалерот исто така вели дека жали за постапката, и вети дека ќе се обиде во иднина да не го повтори истото.
„Не требаше да реагирам на начинот на кој реагирав, но знам дека сите татковци си ги сакаат децата како што јас ги сакам моите... претпоставувам дека во иднина едноставно ќе треба да се помирам со навредите наменети кон моите деца” – напиша Вилшер.
Тој веќе го пропушти дуелот со Челзи а нема да биде во комбинација ниту за утрешниот натпревар против Вест Хем.
„Во секој случај, ми останува уште еден натпревар пауза! Со нетрпение чекам да се вратам“.
Извор: 24FUDBAL.com.mk
