Англија | Клинт Демпси одново ќе го носи дресот на Фулам, репрезентативецот на САД се враќа на Кревин Котиќ на двомесечна позајмица...



Фудбалерот од средниот ред пет ипол сезони го носеше дресот на Фулам, и во 2012 направи трансфер во Тотенхем вреден околу 6 милиони фунти.
 
Килнт Демпси помина само 12 месеци на Вајт Харт Лејн, и во август оваа година се врати во САД, каде потпиша за Сиетл Саундерс.
 
Со оглед на тоа дека во моментов е пауза во МЛС шампионатот, Клинт Демпси реши да се врати во Европа и одново да го облече дресот на Фулам.
 
„Фулам е задоволен што може да соопшти дека го ангажираше Клинт Демпси на двомесечна позајмица од Сиетл Саундерс” – гласеше известувањето на тимот од Кревин Котиџ.
 
Демпси, кој постигна 60 погодоци на 225 натпревари за Фулам, рече: „Среќен сум што се вратив”.
 
„Фулам беше мојот дом во Европа, и возбуден сум што одново ќе бидам дел од овој клуб и ова првенство”.
 
„Сакам да помогнам Фумал да остане во Премиер лигата”.
 
Во моментов, тимот од Кревин Котиџ е на 19 место на табелата, со само една победа од последните 10 средби во сите натпреварувања.

Извор: 24FUDBAL.com.mk