МЕНИ

Останато | Управниот одбор на ФК Сараево успешно ги финиширал преговорите со малезискиот милијардер Винсент Тан, историски ден за босанскиот клуб...

Сопственикот на премиерлигашот Кардиф, Винсент Тан го купи ФК Сараево, нова историска страница за босанскиот клупски фудбал.

Преговорите со Винсент Тан траеле подолг период, Управниот одбор на ФК Сараево денеска потврди дека клубот оди во рацете на милијардерот.

„Можам со задоволство да кажам дека сите документи се потпишани и дека Тан веќе префрли дел од средствата" - вели претседателот на клубот Едис Кустурица.

„Во моментов не можам да кажам за колкав износ станува збор, бидејќи со Тан имаме потпишано договор за доверливост. Вториот дел од трансферот на средствата е во тек и би требало се да биде завршено до утре".

„Завршуваме една многу важна работа, преговорите траеа шест месеци, а ова на ФК Сараево му ветува светла иднина".

ФК Сараево склучил договор и со Кардиф за размена на играчи и меѓусебна соработка.

Сараево во моментов се наоѓа на втората позиција на табелата во првенството на БиХ, со два бода заостанување зад големиот градски ривал Железничар.