Англија | Арсен Венгер не е задоволен од перформансите на судијата Мајк Дин на дербито на северен Лондон, стратегот верува дека Арсенал требал да добие пенал...
Арсенал и Челзи вчера на Емирати одиграа натпревар без погодоци.
По крајот на средбата, менаџерот на ’Топџиите’ го изрази своето незадоволство од перформнасите на главниот судија.
Арсен Венгер е разочаран што Мајк Дин не покажал на белата точка по стартот на Вилиан врз Волкот во првото полувреме, а имаше замерки и за стартот на Микел врз Артета.
„Можам да разберам зошто во таборот на Челзи мислат дека судијата добро си ја завршил работата, но според мене, тој имаше неколку грешки” – рече Арсен Венгер.
„Мислам дека заслуживме пенал. Доколку грешам се извинувам, но од местото каде што стоев ми се виде дека е пенал”.
„Ќе треба да го погледнам и видеото од стартот на Микел врз Артета, но долу на теренот изгледаше како многу лош старт. Судијата беше во добра позиција и имаше добра слика за тоа што се случи”.
Венгер, кој нема победа над Мурињо на 10 натпревари, вели дека Арсенал требал да ги обезбеди трите бода во завршницата од средбата.
„Челзи дојде тука да се брани и да напаѓа преку контри. На стартот од првиот дел бевме малку нервозни, и не игравме онака како што сакавме”.
„Во вториот дел се подобривме, имавме контролата над натпреварот, и креиравме две или три прилики во кои можеби можевме да реагираме подобро”.
„Во глобала, тие беа среќни со освоениот бод, ние не бевме среќни со освоениот бод, но не успеавме да ги реализираме малкуте шанси што ги креиравме”.
Извор: 24FUDBAL.com.mk
