МЕНИ

Англија | Португалецот смета дека Челзи можел да слави победа на гостувањето кај Арсенал, но Мурињо е задоволен и со освоениот бод кај Топџиите...

Лондонското дерби кое синоќа се одигра на Емирати заврши без голови, Челзи одигра тактички одлично, ги затвори приодите кон голот, а Сините имаа шанси и за победа, најблиску до погодок беше Лампард кој ја погоди пречката.

„Дојдовме да победиме, сакавме да победиме, но важно беше да не загубиме, бидејќи доколку бевме поразени ќе бевме на пет бода од лидерот. Со бод сме само на два бода зад двете првопласирани екипи и таа слика е комплетно поинаква. Се обидовме да победиме, но задоволни сме и со бодот" - изјави Мурињо.

Жозе Мурињо одиграл десет натпревари против Арсенал и ниту еднаш не загубил, има пет победи и пет нерешени средби.

„Не мислам дека тие имаат ментален блок, имаат добар тим, без сомнение".

„Играа добро, играа натпревар каков што ние сакаме бидејќи кога ќе го оставевме Артета слободен знаевме што ќе се случи. Тој беше слободен но не можеше да најде простор за додавање кое што обично го прави, па додавањата му беа до Сања, Сања до Артета, Артета до Гибс тој повторно до Артета, моите фудбалери беа компактни во блокирањето и немавме никаков проблем".