Италија | Претседателот на Каљари, Масимо Челино вели дека ќе го продаде Раџа Наинголан на Милан или Јувентус...



Репрезентативецот на Белгија доби зелено светло да замине од Сардинија во зимскиот преоден рок, а за неговите услуги интерес пројавуваат голем број на клубови.
 
Во разговор со Corriere dello Sport, Масимо Челино вели дека фудбалерот од средниот ред ќе остане во Серија А.
 
Според првиот човек на Каљари, Милан и Јувентус се двата клуба кои ќе се борат за потписот на Раџа Наинголан.
 
„Доколку бев заинтересиран само за пари, како што некои луѓе мислат, тогаш ќе го продадев Наинголан на клуб од странство” – рече Челино.
 
„Сепак, со оглед на квалитетите со кои располага играчот, сакам тој да остане во Италија, во Милан или Јувентус”.
 
„Генералниот директор на Јувентус, Бепе Марота прв стапи во контакт и се распрашуваше за Наинголан, но во игра е и Милан, каде е мојот пријател Адриано Галијани”.
 
Претседателот на Јувентус, Андреа Ањели денеска истакна дека нема потреба за ’Старата Дама’ да настапи на трансфер пазарот во јануари, па медиумите од Италија го гледаат Милан како фаворит за потписот на Раџа Наинголан.

Извор: 24FUDBAL.com.mk