Германија | Франк Рибери е отворен за идеата да заигра во САД или ОАЕ, но Баерн Минхен ќе биде неговиот последен клуб на ’Стариот континент’...



30 годишниот репрезентативец на ’Триколорите’ пред почетокот на сезоната стави потпис на нов договор и се обврза кон ’Баварците’ до 2017.
 
Во разговор за Kicker, Франк Рибери вели дека не може да се замисли себеси во дресот на друг клуб од Европа, но има желба да се испроба во САД или Обединетите Арапски Емирати.
 
„Во Европа, нема да играм за друг клуб, но ќе биде бонус доколку ми се укаже шанса да заиграм на друг континент по крајот на престојот во Баерн” – рече Рибери.
 
„Би можел да бидам привлечен од идеата да играм во САД или ОАЕ, но тоа нема да го сметам како дел од мојата права кариера”.
 
„Еден ваков потег ќе биде за приведување кон крај на мојата кариера, и нема да може да се спореди со она што го искусив во Минхен”.
 
„Ќе останам во Минхен што е можно подолго. Се надевам дека уште долги години ќе играм на ова ниво, но не мислам премногу на тоа”.
 
„Уживам во сегашноста. Секако, имам 30 години и нема да бидам помлад”.
 
„За неколку години нема да можам да играм како што играм во моментов. Но ќе се обидам што е можно подолго да играм на високо ниво”.
 
Франк Рибери исто така вели дека ја заслужил ’Златната Топка’ со перформансите што ги прикажал и успехот што го забележил во изминатите 12 мезеци.
 
„Доколку ја погледнете годината како целина, мислам дека направив доволно за да ја заслужан ’Златната Топка’”.
 
„Знам како играв и што освоив. Потребно е само да ги погледнете статистиките. Не можеше да биде подобро”.

Извор: 24FUDBAL.com.mk