МЕНИ

Шпанија | Лео Меси упати остри критики на адреса на потпретседателот на Барселона, Хавиер Фаус, Аргентинецот инсистира дека не побарал нов договор...

По пристигнувањето на Нејмар на Камп Ноу и новиот договор на Кристијано Роналдо, почнаа да кружат гласини дека и Лео Меси побарал поголема плата.

Но со оглед на тоа дека Барселона го обнови договорот на репрезентативецот на ’Гаучосите’ во февруари, од таборот на ’Каталонците’ во неколку наврати порачаа дека во моментов не се водат преговори.

Пред десетина дена, потпретседателот Хавиер Фаус истакна дека тие немаат намера на секој шест месеци да му нудат нов договор на Лео Меси, и ваквите коментари го навлекоа гневот на Аргентинецот.

Ѕвездата на Барселона вообичаено дава дипломатски одговори и е прилично претпазлив во интервјуата, но сега упати остри критики на адреса на Фаус.

Во разговор со RAC 1, Меси рече: „Фаус не се разбира од фудбал. Тој сака да го води клубот како бизнис, а Барселона е многу повеќе од тоа”.

„Барса е најдобриот клуб во светот и заслужува да биде предводена од најдобрите директори во светот”.

„Исто така сакам да нагласам дека ниту јас, ниту пак некој близок до мене не побарал да биде обновен мојот договор, и тој добро го знае тоа”.