МЕНИ

Англија | Луис Суарез ја продолжи верноста со Ливерпул откако денеска потпиша нов долгогодишен договор со клубот...

Минатото лето Суарез сакаше да си оди од Ливерпул, но одличните резултати на Црвените за кој огромни заслуги има токму тој, го натераа да се предомисли.

Денеска Суарез стави потпис на нов долгогодишен договор со Ливерпул.

„Среќен сум што потпишав нов договор со Ливерпул и обезбедив долга иднина во овој клуб" - изјави Суарез за официјалниот сајт на клубот.

„Имаме некои одлични играчи и тимот постојано созрева и напредува. Верувам дека можам да ги остварам моите амбиции, да играм на највисоко ниво и да освојувам трофеи со Ливерпул. Мојата цел е да го постигнеме тоа колку што е можно побрзо".

„Без сомнение поддршката која ја добивав од фановите на Ливерпул има влијание на мојата одлука. Горд сум што ги претставувам нив и секогаш кога ќе го облечам овој дрес ќе го давам максимумот од мене".

„Имаме посебна врска, тие ме сакаат мене, јас на ист начин им возвраќам. Секогаш ќе го давам најдоброто за нив и се надевам дека заедно ќе можеме да се радуваме на успех".

Задоволството не го криеше ниту менаџерот на Ливерпул, Брендан Роџерс.

„Ова се фантастични вести за сите кои се поврзани со клубот; тимот, сопствениците и најважно фановите" - изјави Роџерс.

„Луис е фудбалер од светска класа и за нашите амбиции е многу важно тоа што успеавме да го продолжиме договорот со него".

„Највозбудливо и најважно е тоа што тој има само 26 години и најдобрите години се пред него".