Англија | Луис Суарез игра во фантастична форма оваа сезона, па Ливерпул ќе направи се што може за да го задржи Уругваецот на Енфилд...



По бурното лето во кое Суарез сакаше да замине од Ливерпул, напаѓачот игра во неверојатна форма оваа сезона, Уругваецот е најдобриот фудбалер во Премиер лигата во моментов.
 
Актуелниот договор на Суарез со Ливерпул трае до 2016 година, а според него тој заработува 130 000 фунти неделно.
 
Times пишува дека Ливерпул му нуди плата од 200 000 фунти за продолжување на договорот.
 
Директорот на Ливерпул, Иан Ејр синоќа отпатувал во Барселона на прелиминарни преговори со Пере Гвардиола, братот на Пеп кој е агентот на Луис Суарез.
 
Најголемите европски клубови будно ја следат ситуацијата и го посакуваат Суарез во своите редови, се чини дека голема улога во продолжување на соработката ќе има пласманот на Црвените оваа сезона.

Извор: 24FUDBAL.com.mk