МЕНИ

Англија | Шпанскиот El Confidencial пишува дека ѕвездата на Монако, Радамел Фалкао би можел во јануари да се пресели на Стемфорд Бриџ...

Шпанскиот медиум тврди дека има инсајдерски информации околу случувањата со Радамел Фалкао кои велат дека напаѓачот би можел да се пресели во Челзи во јануарскиот преоден рок.

Клучна улога треба да одигра агентот на Фалкао, Жорге Мендеш кој го застапува и Жозе Мурињо.

Се верува дека Фалкао не е најзадоволен од престојот во клубот од малото кнежество, сака поголем предизвик и ќе притиска за заминување во јануари.

Шпекулациите велат дека Челзи ќе треба да одвои 55 милиони евра за овој трансфер, а предност за Сините ќе биде тоа што Фалкао ќе има право на настап и во Лигата на Шампионите.

Во минатото Реал Мадрид се посочуваше како главен фаворит за ангажман на Колумбиецот, но Карло Анчелоти е задоволен од ефикасноста на неговиот тим и нема по секоја цена да носи напаѓач во тимот.

Од друга страна пак Жозе Мурињо има проблеми со напаѓачите кои никако да влезат во потребната форма.

Португалецот изјави дека на Челзи му е потребен шпиц кој ќе постигнува преку 30 голови во сезона доколку Сините сакаат да се носат со најдобрите во Европа, па Фалкао дефинитино е профилот на фудбалер кој го бара Жозе Мурињо.