Англија | Менаџерот на Манчестер Сити, Мануел Пелегрини стравува дека Кун Агуеро би можел да биде надвор од стројот дури осум недели...



Репрезентативецот на ’Гаучосите’ заработи повреда на листот на ногата на средбата со Арсенал во саботата.
 
Мануел Пелегрини претходно изјави дека очекува Кун Агуеро да паузира најмалку еден месец, но ’Граѓаните’ сеуште не го знаат точниот тип на повредата, и проблемот може да биде посериозен од првичните прогнози.
 
Зборувајќу по вчерашниот триумф над Лестер во Лига Купот, менаџерот на Манчестер Сити рече дека напаѓачот би можел да биде надвор од стројот дури осум недели.
 
„Не сум доктор. Се работи за деликатна ситуација” – рече Пелегрини.
 
„Докторот рече дека ќе биде најмалку еден месец, но можно е да биде и осум недели. Ќе видиме”.
 
„Не знам колку недели ќе паузира, но сигурно ќе биде барем еден месец”.
 
„Многу е тешко во овој момент да кажеме колку точно недели тој ќе биде надвор од стројот”.
 
Доколку на Кун Агуеро навистина му бидат потребни осум недели за да се опорави, најдобриот стрелец на ’Граѓаните’ ќе биде под знак прашалник за првиот натпревар против Барселона во осмина-финалето од Лигата на Шампионите.

Извор: 24FUDBAL.com.mk