МЕНИ

Италија | Медиумите од Италија пренесуваат дека поранешниот играч на Милан, Џенаро Гатузо и поранешниот играч на Лацио, Кристиан Броки се нови имиња под истрага за местење натпревари во Калчото...

Полицијата од Кремона спровела нова акција против нелегалното обложување во фудбалот.

Како што пренесуваат медиумите од Италија, во тек е завршната фаза од истрагата ’Last Bet’ започната во 2010 која придонесе неколку поранешни и сегашни играчи да бидат уапсени.

Во последната акција спроведена во раните утрински часови, биле приведени четири лица: Салваторе Спадаро, Франческо Бацани, Косимо Ринчи и Фабио Кадри кои се под сомнеж дека делувале како посредници помеѓу играчите и луѓето кои се обидувале да влијаат на исходот на натпреварите.

Под истрага се и поранешниот играч на Милан, Џенаро Гатузо и поранешниот играч на Лацио, Кристиан Броки, утрово биле извршени претреси во нивните домови.

Обвинителите од Кремона се сомневаат во исходот на средбата помеѓу Милан и Лацио одигран на 1. февруари 2011, како и во исходот на уште два натпревари на ’Росоњерите’ во 2011.

Извештаите велат дека под истрага сеуште неколку натпревари од Серија А, дуелот помеѓу Јувентус и Лацио на 11. април 2012 и пресметката помеѓу Палермо и Интер на 28. април 2013.

Повеќе информации се најавуваат за во текот на денот, кога ќе биде одржана и прес конференција.