Англија | Арсен Венгер ги негира сториите кои велат дека ’Топџиите’ во јануари ќе достават понуда за талентираниот плејмејкер на Хамбургер, Хакан Чалханоглу...



19 годишниот Хакан Чалханоглу прикажува импресивни перформанси во дресот на Хамбургер во својата дебитанска сезона во Бундеслигата, па го привлече вниманието на голем број клубови.
 
Се шпекулира дека Ливерпул и Арсенал внимателно го следат прогресот на офанзивниот фудбалер од средниот ред, кој е именуван како новиот ’Месут Озил’.
 
Агентот на играчот, Бекташ Демирташ истакна дека очекува ’Топџиите’ да достават понуда за неговиот клиент во зимскиот преоден рок, но Арсен Венгер ги негира ваквите стории.
 
„Многу агенти имаат добри врски со новинарите па затоа се појавуваат имиња” – рече менаџерот на Арсенал на денешната прес конференција.
 
„Но нема вистина во ваквите стории”.
 
Запрашан за зимскиот преоден рок, Венгер одговори: „Ќе направиме проценка во јануари. Во моментов се однесуваме како сите други клубови, се фокусираме на краток рок”.
 
„За нас, она што е важно е утрешниот натпревар. Кога е во прашње трансфер пазарот, вообичаено во јануари има многу повеќе шпекулации отколку конкретни трансфери”.

Извор: 24FUDBAL.com.mk