Останато | Ѕвездата на Реал Мадрид, Кристијано Роналдо е прогласен за играч на годината во изборот на британскиот магазин World Soccer...



Кристијано Роналдо до оваа награда стигна пред големиот ривал од Барселона, Лео Меси и Франк Рибери од Баерн Минхен.
 
Победникот го избра панел составен од новинари и стручни коментатори од целиот свет, а Португалецот доби 1075 гласови.
 
Ова е второ признание за Кристијано Роналдо од World Soccer, CR7 ја понесе наградата за најдобар играч и во 2008.
 
Кога е во прашање изборот за најдобар тренер во годината, победник е Јуп Хајнкес, кој го предводеше Баерн Минхен до историска тројна круна.
 
68 годишниот стретег, кој повеќе не е дел од фудбалот откако се пензионираше по крајот на минатата сезона, стигна до оваа награда со убедливи 86 гласа. Зад него се најде Јирген Клоп од Борусија Дортмунд и Диего Симеоне од Атлетико Мадрид.
 
Баерн Минхен пак беше прогласен за тим на годината по триумфот во Бундеслигата, Лигата на Шампионите и Купот на Германија.

Извор: 24FUDBAL.com.mk