Шпанија | Сандро Росел вели дека речиси е невозможно Лео Меси да го напушти Ноу Камп додека тој е претседател на Барселона...



Неодамна се појавија гласини кои велеа дека репрезентативецот на ’Гаучосите’ ќе заминел од Барселона бидејќи клубот не го исполнил ветувањето за нов договор.
 
Самиот Лео Меси подоцна ги дематираше ваквите информации, а истото сега го стори и претседателот на Барселона, Сандро Росел.
 
Зборувајќи со новинарите првиот човек на Барса рече: „Додека сум јас претседател ќе сторам се што можам за тој да остане“.
 
„Ќе биде многу тешко Лео Меси да замине, речиси невозможно”.
 
Пред неколку дена, потпретседателот на ’Каталонците’, Хавиер Фаус истакна дека нема потреба да му се понуди нов договор на Аргентинецот, а ист ваков став има и Сандро Росел.
 
„Во моментов нема преговори за продолжување на договорот на Меси”.

Извор: 24FUDBAL.com.mk