Англија | Менаџерот на Манчестер Јунајтед, Дејвид Мојс соопшти дека Робин ван Перси ќе биде надвор од стројот еден месец...



Шкотот зборувајќи на денешната прес конференција објасни дека репрезентативецот на ’Лалињата’ го повредил бутниот мускул во моментите кога го извел корнерот по кој ’Црвените Ѓаволи’ поведоа со 1-0 на дуелот со Шахтјор во Лигата на Шампионите.
 
„Робин ван Перси ќе паузира околу еден месец” – рече Мојс.
 
„Тој заработи повреда на бутниот мускул кога го изведе корнерот од кој Фил Џонс постигна гол против Шахтјор”.
 
„Ваквите вести се лоши бидејќи статистиката покажува дека бележиме добри резултати кога Робин ван Перси и Вејн Руни играат заедно. Во последно време ретко ги гледавме двајцата на теренот”.
 
Поради повреда на препоните, Робин ван Перси веќе пропушти неколку натпревари, а сега најверојатно ќе ги преседи и следните осум средби на неговиот тим.

Извор: 24FUDBAL.com.mk