Лига на Шампиони | Јирген Клоп е презадоволен од триумфот на Борусија Дортмунд над Марсеј, вели дека постојано верувале во победа и пласман во осмина-финалето...
И покрај тоа што поголемиот дел од средбата го играа со фудбалер повеќе, ’Милионерите’ се мачеа на гостувањето на Стад Велодром.
Борусија Дортмунд го скрши отпорот на домаќините дури во 87. минута, а јунак за тимот од Германија беше Кевин Гроскојц, кој некако успеа да го најде патот до мрежата на Марсеј иако се лизна при шутот.
„На крајот се се заврши добро, но исто така имавме многу грешки” – рече Јирген Клоп по финишот на натпреварот.
„Беше неверојатно што креиравме голем број на шанси против компактен тим, кој страсно се бранеше”.
„Но уште поневеројатно беше тоа што успеавме да ги промашиме овие прилики”.
„Во два наврати бевме во ситуација кога топката требаше само да се смести во мрежата од неколку метри, а Роберт Левандовски исто така успеа да промаши празен гол”.
„На крајот ни беше потребна мешаница и чуден удар на Кевин Гроскројц, но чувството е одлично. ”.
„Марсеј ни ја отежна работата, но секогаш верувавме дека ќе победиме”.
„На секој 30 секунди бевме во нивните шеснаесетникот, па само прашање на време беше кога ќе постигнеме гол”.
„Тимот го даде максимумот, иако можеше да се види дека бевме под силен притисок кога Наполи поведе. Но останавме фокусирани до самиот крај”.
Извор: 24FUDBAL.com.mk
