Лига на Шампиони | Арсен Венгер е фрустриран што ’Топџиите’ го освоија второто место во групата, се надева дека Арсенал ќе има малку среќа на ждрепката во понеделник...
На Арсенал му беше потребен бод од гостувањето на Сан Паоло за сигурен пласман во осмина-финалето и обезбедување на првото место во Групата Ф.
Но по поразот од Наполи, и победата на Борусија Дортмунд над Марсеј, ’Топџиите’ завршија како втори.
Моменталниот лидер во Премиер лигата нема да биде помеѓу носителите на ждрепката во понеделник, и можни противници во осмина-финалето ќе им бидат Реал Мадрид, Барселона, Баерн Минхен, ПСЖ и Атлетико Мадрид.
„Ждрепката ќе биде тешка бидејќи завршивме на втората позиција” – рече Арсен Венгер. „Во последните четири или пет години добивавме тешки противници, па можеби е време да имаме малку среќа”.
„Но доколку ги погледнеме потенцијалните противници, барем знаеме дека ќе имаме навистина тешка ждрепка”.
„Од друга страна, 14 години во низа се пласираме во нок-аут фазата, па можеби бројот 14 ќе ни донесе малку среќа”.
За поразот на Сан Паоло, менаџерот на ’Топџиите’ рече: „Мислам дека во првото полувреме добро го контролиравме натпреварот додека пак во вториот дел Наполи беше подобриот тим”.
„Заморот не стигна во завршницата од средбата, играчите на Наполи беа посвежи, постојано претеа и триумфираа со 2-0. Заслужено победија”.
„Жалам што Наполи доживеа елиминација, ова беше тешка група со три тима кои освоија 12 бода, па на крајот гол разликата одлучуваше”.
„Фрустрирачки е тоа што не го освоивме првото место, имаше простор да забележиме подобар резултат, но исто така можеше да биде и многу полошо”.
Извор: 24FUDBAL.com.mk
