Лига на Шампиони | Рафа Бенитез е задоволен од она што го покажале ’Наполитанците’ на вчерашниот натпревар против Арсенал и покрај тоа што тимот од Сан Паоло доживеа елиминација од Лигата на Шампионите...
Наполи вчера славеше со 2-0 над Арсенал, но тоа на крајот се покажа како недоволно за пласман во нок-аут фазата.
Тимот од Сан Паоло доживеа елиминација и покрај тоа што имаше 12 бода, исто колку и Борусија Дортмунд и Арсенал.
„Треба да сме горди и среќни со она што Наполи го направи вечерва” – рече Рафа Бенитез по крајот на натпреварот.
„Можеби требаше порано да го постигнеме првиот гол, со цел да имаме повеќе време за да притиснеме. Можеби ќе ги стигневме сензационалните 3-0 доколку порано постигневме гол”.
„На пет минути до крајот на средбата беше тешко да нападнеме со сите сили бидејќи резултатот на дуелот помеѓу Марсеј и Дортмунд беше 1-1, а Арсенал е опасен при контра нападите и лесно можеше да постигне гол”.
„Во секој случај, моите играчи направија огромен напор, заслуживме да победиме, и секако дека заслужено ќе беше доколку се пласиравме во осмина-финалето”.
Наполи настапот во Европа го продолжува во најмасовното натпреварување на ’Стариот континент’.
Рафа Бенитез минатата сезона го предводеше Челзи токму до триумф во Лига Европа.
„Добро ја познавам Лигата на Европа, се работи за тешко и долго натпреварување”.
„Но првиот натпревар се игра дури во февруари, па сега ќе треба да се насочиме кон Серија А”.
Извор: 24FUDBAL.com.mk
