Лига на Шампиони | Со погодокот на Весли Снајдер, Галатасарај славеше над Јувентус со минимални 1-0 и обезбеди пласман во осмина-финалето од Лигата на Шампионите...



Одлучувачкиот меч од Групната Б за вториот патник во нок-аут фазата од најелитното европско натпреварување вчера беше прекинат поради снежно невреме во Истанбул.
 
Попладнево, средбата продолжи од 31. минута, теренот на Турк Телеком Арена беше очајно лош па немаше простор за надигрување.
 
Двата тима играа на долги топки, а ваквиот развој на настаните успеа да го искористи домашниот тим во финишот од средбата.
 
Во 85. минута, Дрогба спушти една нафрлена топка за Снајдер, кој биеше прецизно по земја во подалечниот агол и го совлада Буфон за предност од 1-0 на Галатасарај.
 
’Бјанокерите’ не можеа да се опорават од ваквиот шок, и на крајот мораа да се помират со елиминација од Лигата на Шампионите.

Извор: 24FUDBAL.com.mk