Останато | ФИФА и France Football ја објавија скратената листа со тројца кандидати за ’Златната Топка’, како што се очекуваше на неа се најдоа Кристијано Роналдо, Франк Рибери и Лео Меси...



Минатиот месец, светската куќа на фудбалот и реномираниот весник од Франција објавија список на кој се најдоа 23. кандидати за наградата Најдобар Фудбалер во 2013.
 
Во прв момент, како фаворит беше посочен Лео Меси, кој го освои овој престижен индивидуален трофеј во претходните четири години.
 
Но подоцна, Аргентинецот се повреди, а ФИФА неочекувано го продолжи рокот за гласање.
 
Од ваквиот развој на настаните, најголем ќар имаше Кристијано Роналдо, CR7 прикажа импресивни игри во баражот за СП 2014, па ѕвездата на Реал Мадрид сега се споменува како играчот кој е најблиску до ’Златната Топка’.
 
Франк Рибери, кој освои се што можеше да се освои со Баерн Минхен останува да важи како фаворит од сенка.

Извор: 24FUDBAL.com.mk