Англија | Манчестер Јунајтед полека се збогува со шансите за одбрана на титулата откако и Њукасл славеше победа на Олд Трафорд...



Два порази по ред на Манчестер Јунајтед на свој терен, Црвените Ѓаволи четири кола во серија не знаат за победа во Премиер лигата.

Денес Њукасл се радуваше на Олд Трафорд, тимот на Мојс одигра уште еден лош натпревар.

Неколкуте закани кон голот на Крул не беа доволни за да се затресе неговата мрежа.

Фудбалерите на Јунајтед ја немаат онаа самодоверба која им ја даваше Фергусон, притисокот кон Дејвид Мојс постојано расте.

Јохан Кабај беше јунакот на Њукасл, неговиот погодок во 61. минута ја донесе радоста кај навивачите на овој тим.
 
Текот на натпреварот ќе беше поинаков доколку Евра претходно ја реализираше својата шанса, Французинот ја погоди стативата, притоа имаше и играње со рака на гостите, но судијата не досуди пенал.

Њукасл оваа сезона се покажува кобен за фаворитите во Премиер лигата, тимот на Пердју игра одлично и во моментов се наоѓа на високото шестто место.

Извор: 24FUDBAL.com.mk