Англија | Тренерот на Манчестер Сити, Мануел Пелегрини смета дека Серхио Агуеро е најдобриот фудбалер во Премиер лигата...



Суарез импресионира со своите настапи во дресот на Ливерпул, последниот негов блесок беше во минатото коло кога постигна четири гола и имаше една асистенција во победата од 5-1 над Норич.

Честа е дебатата за тоа кој е најдобриот играч во Премиер лигата оваа сезона, Пелегрини смета дека тоа е Агуеро за кој вели дека е покомплетен фудбалер од Суарез.

„Никогаш не сум рекол дека Агуеро е најдобриот напаѓач во Премиер лигата. Реков дека тој е најдобриот фудбалер во Премиер лигата" - вели Пелегрини.

„Се разбира, сеуште го мислам тоа, можеби има подобри напашачи, но нема подобри фудбалери од Агуеро. Тој е најкомплетниот играч".

„Поразличен е од Суарез, тој е многу значаен напаѓач, но Агуеро е покомплетен".

„Серхио има само 25 години, и може уште да напредува".

„Оваа година напредуваше многу, секогаш игра на високо ниво и секогаш постигнува голови. Но знае многу да игра и без топка, да работи за тимот, а тоа е многу важно".

Извор: 24FUDBAL.com.mk