МЕНИ

Англија | Агентот на Евертон Рибеиро открива дека одржал неколку средби со преставници на шампионот на Англија...

По одличната сезона во дресот на Крузеиро, 24 годишниот офанзивен фудбалер од средниот ред го привлече вниманието на неколку клубови од Европа.

Подолго време се говори дека Манчестер Јунајтед се обидува да го ангажира Евертон Рибеиро, но од таборот на Крузеиро инсистираат дека не добиле конкретна понуда.

Сепак, агентот на играчот, Робсон Фереира открива дека одржал неколку средби со официјални лица на ’Црвените Ѓаволи’.

„Манчестер Јунајтед е заинтересиран за Евертон Рибеиро” – рече Фереира. „Дејвид Мојс е голем фан на неговата игра”.

„Во неколку наврати се сретнав со претставници на Манчестер Јунајтед, и сум импресиониран од она што го слушнав”.

„’Црвените Ѓаволи’ веруваат дека Евертон Рибеиро е комплетен фудбалер од средниот ред”.

„Крузеиро сеуште нема добиено понуда бидејќи јас директно ги водам преговорите со Манчестер Јунајтед”.

Рибеиро, кој беше прогласен за Најдобар Фудбалер во првенството на Бразил, одлуката за својата иднина ќе ја донесе во следните денови.

„Тој е среќен во Крузеиро, ова беше возбудлива сезона, со колективни и индивидуални трофеи, имаше прекрасна сезона”.

„Во сабота ќе се ожени со Марилиа, љубовата на неговиот живот. Кога ќе се врати од медениот месец ќе разговараме за иднината”.

„Тој ќе одлучи за следниот потег”.