Германија | Арјен Робен ќе го пропушти Светското Клупско Првенство, фудбалерот ќе паузира шест недели поради повреда на коленото...



Репрезентативецот на ’Лалињата’ се повреди на вчерашниот дуел со Аугсбург во купот.
 
Робен, кој ги доведе гостите во предност во 4. минута, беше изнесен на носилки по петнаесетина минути игра, откако при еден судир со голманот на домаќините заработи исекотина на десното колено.
 
Баерн Минхен утрово пренесе дека деталните тестови покажале дека повредата е посериозна од првичните прогнози и Арјен Робен ќе биде надвор од стрјот околу шест недели.
 
Холанѓанецот ќе ги пропушти дуелите со Вердер и Хамбургер во Бундеслигата, финалната средба од групната фаза во Лигата на Шампионите против Манчестер Сити како и настапот на ’Баварците’ на Светското Клупско Првенство.
 
Се очекува тој да се врати во тимот по зимската пауза, и дуелот со Борусија Менхенгладбах на крајот од јануари.
 
„Секако дека сум разорачан” – рече Робен. „Бев во извонредна форма, со нетрпение го очекував секој натпревар”.
 
„И сега се случи ова. Но ќе се вратам фит и ќе помогнам Баерн да ги оствари целите што ги зацртавме”.
 
Спортскиот директор на ’Баварците’, Матиас Замер признава дека повредата на Арјен Робен е голема загуба.
 
„Жалиме што Арјен заработи ваква повреда. Тој играше во животна форма и помогна да победиме на многу натпревари”.
 
„Навистина е штета што останавме без неговите услуги. Но тој ќе се опорави и ќе биде подготвен за вториот дел од сезоната”.

Извор: 24FUDBAL.com.mk