Италија | Тренерот на Наполи, Рафа Бенитез има пофалби за Пандев и Игуаин по вчерашната победа над Лацио на Олимпико...



Наполи синоќа одигра одличен натпревар на Олимпико и ја победи екипата на Лацио со 4-2, прекинувајќи ја серијата од три порази.
 
Горан Пандев го одигра својот 300. меч во Серија А кој го зачини со погодок и асистенција до Игуаин, Аргентинецот беше стрелец на два гола.
 
„Пандев и Игуаин се двајца интелигентни фудбалери кои можат да ги прават тие движења во нападот" - вели Бенитез.
 
„Знаат да ја задржат топката, знаат како да се движат, знаат што да прават, па им создаваат многу потешкотии на противничките дефанзивци".
 
„Ние како тим сме сеуште околу 75% од нашите сили".
 
„Ова беше тежок натпревар во кој требаше да покажеме интензитет, карактер и посветеност. Исто така важно е да се напомене дека теренот беше ужасен и топката не отскокнуваше правилно".

Извор: 24FUDBAL.com.mk