Шпанија | Барселона доживеа пораз на гостувањето кај Атлетик Билбао, Реал и Атлетико Мадрид се доближија до врвот...



Коло по мерка на дуото од Мадрид, Атлетико и Реал славеа сигурни победи, додека лидерот, тимот на Валенсија загуби на гостувањето кај Атлетик Билбао со 1-0.
 
Баскијците одиграа одличен натпревар, создадоа повеќе шанси за гол и на крајот сосема заслужено се радуваа на победа над големиот противник.
 
Проблемите на Барса со повредени фудбалери излегуваат на виделина, Каталонците беа далеку од потребното и препознатливо ниво.
 
Клучниот момент се случи во 71. минута кога Икер Муниан погоди за водство од 1-0.
 
Реал Мадрид лесно ја заврши задачата против Ваљадолид, Герет Бејл беше во центарот на вниманието постигнувајќи хет-трик и една асистенција, Кралевите победија со 4-0.
 
Резултатот го отвори Бејл во 32. минута од натпреварот, а четири минути подоцна негова одлична асистенција до Бензема за предност од 2-0.
 
Во вториот дел Бејл уште два пати ја тресеше мрежата на Ваљадолид за негов прв хет-трик во дресот на Реал Мадрид и убедлива победа на неговиот тим.
 
Атлетико Мадрид со 2-0 победи на гостувањето кај Елче.
 
Коке и Диего Коста беа стрелци на погодоците за новата победа на Јорганџиите.
 
Во останатите натпревари од Примера, Валенсија со убедливи 3-0 славеше над Осасуна, Севиља со 2-1 победи на гостувањето кај Гранада, Бетис и Ваљекано одиграа без победник 2-2.
 
Реал Сосиедад со 2-1 го доби Еспањол во Барселона, Селта со 3-1  ја победи Алмерија, Виљареал и Малага одиграа 1-1, Гетафе со минимални 1-0 славеше над Леванте.

Извор: 24FUDBAL.com.mk