МЕНИ

Италија | Милан конечно победи на натпревар во Серија, Росоњерите со 3-1 славеа на гостувањето кај Катанија, Јувентус со гол во судиското продолжение дојде до триумф над Удинезе...

Милан ја прекина серијата без пораз во Серија А, тимот на Алегри со 3-1 славеше на гостувањето кај Катанија.

Натпреварот не започна најдобро за Милан, во 13. минута Кастро донесе водство за домаќините од 1-0.

Но само шест минути подоцна Монтоливо успеа да го изедначи резултатот на 1-1.

Во вториот дел со голови на Балотели и Кака, Милан дојде до важен триумф за враќање на самодовербата.

Јувентус влезе како голем фаворит во дуелот против Удинезе, но Старата Дама дојде до тешка победа обезбедена во последните моменти од натпреварот.

Спасител за Јувентус беше Љоренте кој постигна погодок во 91. минута од натпреварот за минимална победа од 1-0.

Колку што имаше среќа Јуве, толку немаше Интер, Нероазурите долго време водеа со 1-0 против Сампдорија, но во самиот финиш примија гол и не остварија победа.

Гуарин во 18. минута донесе водство за Интер од 1-0, Ренан во 89. го изедначи резултатот на 1-1.

По серијата победи, Рома врзува нова низа, овој пат со нерешени натпревари, на гостувањето кај Аталанта дојдоа до четвртото реми по ред.

Домаќините водеа со 1-0, а Стротман во 90. минута погоди за Рома за избегнување на првиот пораз.

Во останатите натпревари Каљари и Сасуоло одиграа нерешено 2-2, Ибраими ги одигра последните 20 минути од средбата, влезе при негатива од два разлика и помогна за освојување на бод за неговиот тим.

Денес Лацио го пречекува тимот на Наполи, Фиорентина е домаќин на Верона.