МЕНИ

Англија | Челзи успеа да го сврти натпреварот против Саутемптон и да слави со 3-1, со истиот резултат Ливерпул загуби на гостувањето кај Хал, Сити беше убедлив против Свонси, немаше победник на дерби натпреварот помеѓу Тотенхем и Манчестер Јунајтед...

Дербито на Вајт Харт Лејн помеѓу Тотенхем и Манчестер Јунајтед заврши без победник 2-2, Спарси на два пати водеа, но Руни изедначуваше.

Најпрво Вокер постигна убав гол за водство од 1-0, Руни изедначи на 1-1, со тој резултат се замина на полувремето.

Слично беше и во вториот дел, најпрво Сандро постигна прекрасен гол, а потоа Руни овој пат од пенал изедначи на 2-2.

Шок на Стемфорд Бриџ по само неколку секунди игра, Саутемптон со гол на Родригез дојде до водство од 1-0.

Челзи изедначи дури во 55. минута со погодок на Кејхил, а седум минути подоцна Тери реализираше за пресврт и водство од 2-1.

Сите дилеми околу победникот беа решени во 90. минута кога Демба Ба реализираше за победа од 3-1.

Ливерпул го одигра најлошиот натпревар сезонава и со 3-1 загуби на гостувањето кај Хал.

Ливермор донесе предност за домаќините во 20. минута, седум минути подоцна Џерард постигна убав гол од слободен удар за изедначување на 1-1.

Во вториот дел најпрво Мејлер го врати водството на Хал, а подоцна Шкртел си постигна автогол за конечни 3-1.

Манчестер Сити продолжува со добрите игри на домашен терен, овој пат настрада Свонси со убедливи 3-0.

Насри постигна два гола, еднаш реализираше Негредо.

Победа од 3-0 славеше и Арсенал на гостувањето кај Кардиф.

Ремзи ја продолжува одличната сезона, беше стрелец на два погодоци на овој дуел, еден гол беше дело на Фламини.

Во останатите натпревари од Премиер лигата, Њукасл со 2-1 славеше над ВБА, Евертон убедлив против Стоук победа од 4-0, Вест Хем му нанесе нов пораз на Фулам совладувајќи го со 3-0.

Норич со 1-0 славеше над Кристал Палас, немаше погодоци на дуелот меѓу Астон Вила и Сандерленд.