МЕНИ

Лига на Шампиони | Во фантастичен натпревар Борусија Дортмунд со 3-1 славеше над Наполи, Џек Вилшер со два погодоци му донесепобеда на Арсенал против Олимпик Марсеј...

Борусија Дортмунд дојде до многу значајна победа над Наполи, патниците во 1/8 финалето од групата на смртта ќе се одлучуваат во последното коло.

На Наполи му требаше бод за да обезбеди пласман во следната фаза уште вечерва, но избраниците на Бенитез не успеаа да ја остварат целта.

До Дортмунд се одигра фантастичен натпревар со четири погодоци и повеќе големи шанси и на двете страни.

Во 9. минута од натпреварот судијата покажа на белата точка по прекршок на Фернандез над Левандовски, Ројс беше сигурен реализатор за водство на Дортмунд од 1-0.

Наполи можеше уште во првиот дел да го изедначи резултатот, Каљехон ја погоди стативата.

Во вториот дел фантастична можност имаше Игуаин, излезе сам пред Вајденфелер, но голманот на Дортмунд беше поуспешен.

Казната стигна во следната акција кога по асистенција од Ројс, Блашчиковски погоди за водство од 2-0.

Преку нововлезениот Инсиње, Наполи го намали резултатот на 2-1 во 71. минута, но само седум минути подоцна Аубамејанг рализираше за конечни 3-1.

Горан Пандев беше стартер на натпреварот, нашиот фудбалер одигра до 76. минута кога на негово место влезе Запата.

По овој пораз, на Наполи ќе му биде потребна победа од три разлика против Арсенал доколку Борусија Дортмунд слави на гостувањето кај Марсеј.

Топџиите вечерва со 2-0 го победија Марсеј и дојдоа до три очекувани бода.

Вилшер со два погодоци беше играч на натпреварот за Арсенал.

Месут Озил не реализираше удар од белата точка.

По пет одиграни кола Арсенал е прв со 12 бода, Дортмунд и Наполи имаат по 9, Марсеј е последен без бодови.