Англија | По убедливиот пораз од Манчестер Сити од 6-0, англиските медиуми пишуваат дека сериозно е разнишано тренерското столче на Андре Вилаш Боаш во Тотенхем...



Тотенхем имаше очаен настап на Етихад Стадионот, Спарси примија дури шест погодоци од Манчестер Сити, тимот не ги оправдува очекувањата на навивачите.

Според англиските обложувалници, Андре Вилаш Боаш е најголем фаворит за следна тренерска жртва во Премиер лигата.

Англиските медиуми се погласно шпекулираат дека раководството на клубот не е задоволно од работата на Португалецот.

Тотенхем има очаен напад оваа сезона, па за 12 кола постигнаа само девет голови во Премиер лигата, од кои три од пенал.

Она што го загрижува раководството е лошата игра на тимот која трае подолг период а кулминираше во последното коло со поразот од Сити.

По продажбата на Герет Бејл, Тотенхем сериозно го засили тимот, но резултати нема.

Андре Вилаш Боаш ќе добие шанса и на следните натпревари да ја подобри ситуацијата, но неговата позиција е сериозно загрозена.

Извор: 24FUDBAL.com.mk