Лига на Шампиони | Базел уште еднаш беше подобар од Челзи, но Сините се пласираа во 1/8 финалето од Лигата на Шампионите, немаше погодоци на дуелот помеѓу Стеауа и Шалке...



Базел прави голем успех успевајќи два пати да го победи Челзи во групната фаза од Лигата на Шампионите.

Тимот на Жозе Мурињо повторно покажа немоќ пред швајцарскиот шампион.

Базел беше подобар тим на теренот, создаде повеќе убави можности за гол, а добрата игра ја круниса Салах со погодок во 87. минута од натпреварот.

Со оваа победа Базел се искачи на втората позиција на табелата, но треба да остане непоразен во Гелзенкирхен за да избори пласман во елиминационата фаза.

Шалке одигра 0-0 на гостувањето кај Стеауа.

Македонскиот репрезентативец, Даниел Георгиевски остана на клупата за резервни фудбалери.

По пет одиграни кола Челзи е прв со девет бода, Базел има осум, Шалке е трет со седум, Стеауа ќе остане на последното место со само три бода.

Извор: 24FUDBAL.com.mk