Лига на Шампиони | Горан Пандев смета дека фудбалерите на Наполи треба повеќе да веруваат во своите квалитети и да покажат поголема посветеност на теренот...



На Наполи му беше потребен бод од гостувањето кај Борусија Дортмунд за пласман во 1/8 финалето од Лигата на Шампионите, но фудбалерите на Бенитез не успеаа, загубија со 3-1.

Сега мисијата на Наполи е уште потешка, доколку Дортмунд слави во Марсеј, тие ќе треба да го победат Арсенал со три разлика.

„Игравме против голем тим, Дортмунд беше финалист минатата сезона. Мислам дека одигравме добро, но рано примениот погодок ни ги отежна работите" - изјави Пандев за Sky Sport Italia.

„Сега треба да се свртиме кон следните натпревари, да продолжиме да работиме и да се надеваме дека ќе биде подобро во следниот натпревар".

„Не знам што ни недостасува, ангажиравме многу искусни фудбалери ова лето. Можеби ни треба поголема посветеност и верба во своите можности".

„Потребно е повеќе да веруваме, бидејќи сме екипа со голем квалитет која може да игра на највисоко ниво".

Извор: 24FUDBAL.com.mk