МЕНИ

Англија | Според денешното издание на AS, менаџерот на Манчестер Сити, Мануел Пелегрини побарал Икер Касиљас да биде ангажиран како замена за Џо Харт...

Првиот голман на ’Граѓаните’ игра во лоша форма оваа сезона, и на последните неколку натпревари беше изоставен од стартниот состав.

Ваквиот развој на настаните придонесе да се појават стории кои велат дека Манчестер Сити е во потрага на нов голман.

Поголемиот дел од весниците од ’Островото’ пренесуваат дека Манчестер Сити ќе се обиде да го ангажира Асмир Беговиќ од Стоук, репрезентативецот на БиХ важи за еден од подобрите голмани во Премиер лигата.

Но според денешното издание на AS, Мануел Пелегрини сака да го донесе Икер Касиљас на Етихад Стадионот.

Чилеанецот соработуваше со Касиљас во Реал Мадрид во сезоната 2009/10, и според AS, тој ја известил управата на ’Граѓаните’ дека репрезентативецот на ’Црвената Фурија’ е неговиот прв избор за замена на Џо Харт.

Икер Касиљас нема загарантиран првотимски статус на Сантијаго Бернабеу, и доколку ваквата ситуација не се промени, тој би можел да размисли за заминување од Реал Мадрид по крајот на сезоната.