МЕНИ

Лига на Шампиони | Челзи има густ распоред во декември, па Жозе Мурињо сака неговиот тим уште утре да ја заврши првата цел во Лигата на Шампионите...

Со победа на утрешното гостување кај Базел, Челзи ќе го освои првото место на табелата на коло пред крајот, но и со реми ќе обезбеди пласман во следната фаза.

„Имаме толку многу натпревари во декември, што доколку имаме само еден помалку, тоа ќе ни помогне, а тоа би требало да биде натпреварот против Стеауа" - вели Мурињо.

„Ќе се обидеме да победиме. И со бод ќе се квалификуваме, но ќе се обидеме да го добиеме натпреварот".

„Дополнителна мотивација ќе биде и фактот што загубивме од нив на Стемфорд Бриџ, не е убаво чувството да се загуби дома".

Челзи во декември има девет натпревари, помеѓу кои и дуели со Арсенал и Ливерпул.

За мечот против лидерот Арсенал, Мурињо прокоментира:

„Да видиме на која позиција ќе бидеме кога ќе им гостуваме. Кој знае на која позиција ќе бидеме ние а на која тие на 23. декември?".

„Можеби тие ќе бидат трети а ние петти? Никогаш не се знае. Во оваа Премиер лига, се може да се случи".

„Треба да се фокусираме од натпревар на натпревар и да гледаме што ќе се случува".