Италија | Поранешниот фудбалер на Милан, Џанлука Ѕамброта смета дека Пипо Инзаги е подобро решение од Кларенс Сидорф за тренерската позиција на Росоњерите...



Милан има очајни резултати оваа сезона во Серија А, па позицијата на Алегри виси на конец, се чини дека не му остана уште многу време на тренерското столче на тимот.
 
Како негови наследници често се споменуваат Филипо Инзаги и Кларенс Сидорф.
 
Инзаги во моментов е тренер на младинскиот тим на Милан, додека Сидорф уште активно игра за бразилскиот Ботафого.
 
Ѕамброта верува дека Инзаги е подобра опција од Сидорф за наследник на Алегри, но смета дека треба да се остави актуелниот тренер да го извади тимот од лошата ситуација.
 
„Во овој момент сметам дека е подобро да се остави Алегри да го извади тимот од оваа ситуација" - изјави Ѕамброта за RAI Sport.
 
„За во иднина, мислам дека Инзаги е поподготвен за тренер отколку Сидорф, тој би бил подобра опција".
 
„Мислам дека на овој тим му недостасува искуство. Но сметам дека Алегри сеуште ја има контролата над тимот".

Извор: 24FUDBAL.com.mk