Англија | Напаѓачот на Манчестер Сити, Серхио Агуеро ги негира шпекулациите кои го поврзуваат со Реал Мадрид...



Реал Мадрид е во потрага по напаѓач, како еден од кандидатите за трансфер на Сантијаго Бернабеу се споменува Серхио Агуеро.

Но, аргентинскиот напаѓач вели дека е среќен во Англија и не планира да замине од Сити.

„Вистината е дека сум среќен тука" - вели Агуеро за Daily Mirror.

„Клубот ме третира многу добро. Многу е смирено, поразлично отколку да се игра во Шпанија или Аргентина".

„Уживаш во фудбалот, се одмараш, одиш дома со фамилијата, излегуваш на ручек во мирна атмосфера, тоа е се што правиш".

„Постојано напредуваш. Англискиот фудбал стана многу брз, тоа ви дозволува да ја развивате концентрацијата и да ја подобрите техниката. Па секој ден се учи и имате чувство дека уште многу може да напредувате".

„Од секогаш сум велел, со секој одигран меч, изгледан натпревар на тв или тренинг, учите нови работи. Тоа е како и секоја друга работа, учите што треба да правите, а што не".

Извор: 24FUDBAL.com.mk