Шпанија | Кристијано Роналдо вели дека не мисли многу на ’Златната Топка’, и додава дека сеуште не знае дали ќе присуствува на церемонијата што ќе се одржи во јануари...
Минатиот месец се појавија гласини кои велеа дека Кристијано Роналдо ќе го бојкотира доделувањето на ’Златната Топка’ во знак на протест кон првиот човек на ФИФА, Сеп Блатер.
Сеп Блатер го навлече гневот на Реал Мадрид и Португалецот откако првиот човек на светската куќа на фудбалот јавно призна дека го преверира Лео Меси пред Кристијано Роналдо.
Во емисијата El Partido de las 12 на Cadena Cope, ѕвездата на Реал Мадрид вели дека сеуште не знае дали ќе присуствува на церемонијата во Цирих и инсистира дека не мисли многу на ’Златната Топка’.
„Не мислам многу на ’Златната Топка” – рече CR7. „Оваа награда ќе биде доделена дури во јануари”.
„Но не можам да кажам дали ќе одам или не. Преферирам да не кажувам ништо бидејќи работите не зависат само од мене”.
„Не сум опседнат со ’Златната Топка’. Ајде да видиме што ќе се случи”.
Оваа недела Кристијано Роналдо стана фаворит за ’Златната Топка’ по извонредната партија против Шведска и хет-трикот во Стокхолм, со кој го чекираше билетот на Португалија на СП 2014.
На ваквиот развој на настаните влијаеше и одлуката на ФИФА да го продолжи рокот на гласање до 29. ноември, како и можноста оние кои веќе гласале да направат промена.
Извор: 24FUDBAL.com.mk
