МЕНИ

Шпанија | Новинарот Франсоа Гаљардо во емисијата Punto Pelota објави бомбастична вест и пренесе дека Лео Меси ќе замине од Камп Ноу во летниот преоден рок...

Аргентинецот вчера изјави дека планира да остане на Камп Ноу засекогаш, и истакна дека неговиот живот е Барселона.

Сепак, шпанското ТВ шоу Punta Pelota и нивниот трансфер гуру Франсоа Гаљардо не мислат така.

Во емисијата што беше емитувана вчера вечерта, Франсоа Гаљардо соопшти бомбастични вести според кои, Лео Меси ќе замине од Камп Ноу по крајот на сезоната.

Извештајот вели дека репрезентативецот на ’Гаучосите’ во септември имал средба со лидерите на клубот и побарал да добие нов договор со повисока плата.

’Каталонците’ во прв момент на својата најголема ѕвезда и одговориле позитивно, но два месеци подоцна го известиле Лео Меси дека нема да можат да го исполнат ветувањето.

Напаѓачот сега се чувствува предаден, па решил да замине од Камп Ноу по крајот на сезоната.

Франсоа Гаљардо дури вели дека Лео Меси има вербален договор со друг клуб, и во февруари или март ќе започне да прави подготовки за трансферот.

Аргентинецот е под договор со Барселона до 2018 и има откупна клаузула вредна 250 милиони евра.

На почетокот од овој месец се појавија стории кои велеа дека изминатово лето три клубови, со помош на германскиот производител на опрема Adidas, биле подготвени да ја платат оваа сума, но не успеале во намерата да го ангажираат Лео Меси бидејќи играчот не сакал да замине од Барса.