МЕНИ

Англија | Мајкл Карик стави потпис на нов договор и се обврза кон ’Црвените Ѓаволи’ до јуни 2015...

32 годишниот фудбалер од средниот ред, кој претходно беше под договор со Манчестер Јунајтед до крајот на сезоната, подолго време водеше преговори со шампионот на Англија за продолжување на соработката.

Медиумите од ’Островото’ на почетокот од оваа недела пренесоа дека Мајкл Карик постигнал согласност со ’Црвените Ѓаволи’ за нов двегодишен договор, а ваквите вести официјално беа потврдени попладнево.

„Манчестер Јунајтед е задоволен што може да соопшти дека Мајкл Карик го продолжи договорот до јуни 2015 со опција за уште една додатна година” – гласеше известувањето на тимот од Олд Трафорд.

Репрезентативецот на Англија, кој во овој момент се опоравува од повреда на ахиловата тетива, рече: „Одлично е што успеав да го продолжам договорот со овој голем клуб. Навистина уживам во фудбалот тука”.

„Клубот направи неколку промени, и работењето под водство на Дејвид Мојс е фантастично”.

„Освоив многу трофеи во дресот на Манчестер Јунајтед изминативе години, и очекувам да постигнам поголем успех во иднина”.