Шпанија | Репрезентативецот на Аргентина, Лео Меси уште еднаш ја нагласи намерата да стави крај на кариерата во дресот на ’Каталонците’...
На почетокот од овој месец се појавија стории кои велеа дека во летниот преоден рок три клуба биле подготвени да платат 250 милиони евра и да ја активираат откупната клаузула во договорот на Лео Меси.
Извештаите велеа дека се работело за Челзи, Баерн Минхен и Реал Мадрид, а главна алка во целата зделка требал да биде германскиот производител на спортска опрема, Adidas, кој е спонзор на трите клуба и на Аргентинецот.
Во разговор со Marca, играчот вели дека е поласкан од интересот, но неговата намера е да стави крај на кариерата во дресот на Барса.
„Мојата намера е да останам во Барселона засекогаш” – рече Меси.
„Доколку се точни сториите на весниците, го ценам интересот што клубовите го покажале за мене”.
„Горд сум, но мојот живот е во Барселона”.
Запрашан за моменталната форма во која се наоѓа неговиот голем ривал Кристијано Роналдо од Реал Мадрид, Лео одговори: „Не знам дали Кристијано Роналдо го достигна својот врв”.
„Но тој секогаш е тука, постигнува погодоци на секој натпревар и дава допринос за својот клуб и репрезентација”.
„Тој ова го прави со години, па дали е на врвот од својата форма или пак малку подолу, воопшто нема разлика”.
Извор: 24FUDBAL.com.mk
