Шпанија | Голманот на Барса, Виктор Валдес околу шест недели ќе биде надвор од терените откако заработи повреда на десната нога на пријателскиот натпревар против Јужна Африка...
Минималниот пораз од Јужна Африка не беше единствената црна дамка за Шпанија, на лошиот резултат се надоврза и повредата на Виктор Валдес.
Голманот на Барса во игра влезе во второто полувреме на местото од Касиљас, но поради повреда мораше да го напушти теренот по половина час игра.
До тој момент Шпанија ги имаше извршено договорените шест замени, па ракавиците ги облече Арбелоа, но делегатот дозволи да биде извршена уште една измена, и Пепе Реина застана меѓу стативите до крајот на натпреварот.
Прогнозите велат дека Валдес ќе паузира околу шест недели, што значи дека оваа календарска година за голманот на Барса е завршена.
Извор: 24FUDBAL.com.mk
