По спектакуларниот хет-трик на CR7 против Шведска во баражот за пласман на СП 2014, Кристијано Роналдо е фаворит за ’Златната Топка’ според обложувалниците...

Кога беа објавени номинациите за ’Златната Топка’, Лео Меси беше фаворит, а како главен конкурент беше посочен Франк Рибери.

Но по повредата на Аргентинецот и одличните игри на Кристијано Роналдо, особено во двомечот против Шведска во баражот за пласман на СП 2014, работите се променија.

Сега, CR7 е главен фаворит кај обложувалниците за освојување на ’Златната Топка’, Франк Рибери е зад него, додека пак трет е Лео Меси.

На промената на коефициентите исто така влијае и одлуката на ФИФА да го продолжи периодот за гласање до 29. ноември.

Крајниот рок истече во петокот минатата недела, но светската куќа на фудбалот решила да го продолжи со цел да се земат во предвид и бараж натпреварите за пласман на мундијалот во Бразил.

Капитените, селекторите и претставниците на медиумите кои не гласале, сега имаат додатни девет дена да го сторат тоа.

Оние кои веќе гласале, можат да направат промена.

Извор: 24FUDBAL.com.mk