Лео Меси денеска ја доби ’Златната Копачка’, ѕвездата на ’Каталонците’ минатата сезона ја заврши како најдобар стрелец во Европа со 46 погодоци во Ла Лига...
Попладнево на гала-церемонија во Барселона, на Лео Месу му беше доделена ’Златната Копачка’.
Меси ја доби наградата од поранешниот играч на Барса, Христо Стоичков, кој ја има освоено оваа награда во сезоната 1989/90.
Со ова Аргентинецот испиша нова историја, и стана единствениот фудбалер кој ја добил ’Златната Копачка’ три пати.
Лео Меси, кој се опоравува од повреда на задната ложа, истакна дека во моментов е фокусиран само на тоа целосно да се опорави а не на нова ’Златна Копачка’.
„Нова ’Златна Копачка’ не е во моите мисли. Не мислев на ова ниту кога бев здрав, а помалку сега кога сум повреден”.
„Мојот фокус е кон тоа целосно да ја санирам повредата, и да ја завршам сезоната без нова повреда”.
„Оваа ’Златна Копачка’ им ја посветувам на моите соиграчи, бидејќи без нив немаше да стигнам до оваа награда“.
Репрезентативецот на ’Гаучосите’ минатата сезона на 32 натпревари во Ла Лига постигна 46 погодоци.
Извор: 24FUDBAL.com.mk
