Потпретседателот на Барселона, Хосеп Мариа Бартомеу вели дека на почетокот од следната година тие ќе го соопштат името на новиот голман...

Виктор Валдес ја извести управата на Барселона дека нема да ја продолжи верноста, и по истекот на неговиот договор во јуни 2014 ќе замине во потрага на нов предизвик и нова авантура.

’Каталонците’ подолго време се обидуваат да пронајдат негова замена, и често се шпекулира дека младиот чувар на мрежата на Борусија Менхенгладбах, Марк Андре Тер Штеген ќе се пресели на Камп Ноу.

Потпретседателот на Барселона, Хосеп Мариа Бартомеу потврди дека репрезентативецот на Германија е на нивната листа со желби, заедно со Пепе Реина, и пренесе дека новиот голман ќе биде познат на стартот од следната година.

„Подолго време работиме на пронаоѓање замена за Виктор Валдес, во овој момент листата е многу кратка, и се водат напредни преговори” – рече Бартомеу за RAC-1.

„Марк Андре Тер Штеген е едно од имињата, но има и други. Го следиме и Пепе Реина”.

„Ќе чекаме Виктор Валдес официјано да соопшти каде ќе ја продолжи кариерата, и потоа ќе го соопштиме името на новиот голман”.

„Планот е да ангажираме еден голман, а не двајца”.

Извор: 24FUDBAL.com.mk